Nagplano ang Bangko Sentral ng Pilipinas o BSP nga hugtan ang kontrol sa payment transactions aron mas klaro kung kinsa gyud ang merchant ug final beneficiary sa matag bayad.
Ubos sa draft circular, kinahanglan masubay ang lihok sa pondo gikan sa payment provider hangtod sa aktuwal nga makadawat niini, bisan adunay intermediaries nga moagi sa transaksyon.
Gipasiugda sa BSP nga dili mahimong gamiton ang intermediaries aron matago ang tinuod nga merchant o beneficiary.
Kinahanglan usab mangolekta ang financial institutions og igo nga impormasyon aron mailhan ang mga parties ug masabtan kung giunsa paglihok ang kwarta sa payment chain.
Mas hugot nga patakaran ang ipatuman sa casinos, gambling businesses, virtual-asset service providers ug money-service businesses, diin direct merchant arrangement lamang ang tugotan.
Maghimo usab ang BSP og centralized National QR Code Merchant Database aron makatabang sa pag-ila sa fraudulent ug problematic merchants.
Ang existing layered payment arrangements susihon sulod sa unom ka bulan, ug hatagan og laing unom ka bulan aron matul-id ang mga kakulang.
Kung magpabiling noncompliant human sa 12 ka bulan, mahimong atubangon ang enforcement action.| VIA BOMBO EROS PAJOTA
