Nagpakita og interes ang United Arab Emirates o UAE ug Saudi Arabia sa pagtukod og mga pasilidad sa pagtipig og lana sa Pilipinas.
Giklaro ni Department of Energy Oil Industry Management Bureau Director Rino Abad nga dili mogasto ang gobyerno sa Pilipinas alang sa pagtukod sa maong mga pasilidad.
Gitumong sa maong plano nga masiguro ang suplay sa lana sa nasud ug malikayan ang kakulang niini kung adunay problema sa suplay sa tibuok kalibotan.
Dugang pa ni Abad nga ang mga proposed foreign-owned hubs kay commercially operated, apan gusto sa gobyerno og arrangement nga maghatag og prayoridad o “reserve rights” sa Pilipinas kung adunay krisis sa suplay sa lana.
Gibanabana nga mahimong makaabot sa 50 milyon ka baril nga lana ang kapasidad sa maong mga pasilidad kung maaprobahan ang plano.
Nakigkoordinar na ang bag-ong naporma nga Philippine Strategic Petroleum Reserve team sa Saudi Arabia alang sa pagpalambo sa maong plano.
