Gipahayag sa Malacañang nga ilang girespeto ang desisyon sa Quezon City Regional Trial Court Branch 98 nga magpagawas og warrant of arrest batok kang Vice President Sara Duterte nga adunay kalabotan sa tulo ka counts sa kasong grave threats.
Sumala ni Palace Press Officer Claire Castro, respetuhon sa Palasyo ang bisan unsang desisyon o mando nga ipagawas sa korte.
Nag-ugat ang kaso sa mga pamahayag sa Bise Presidente niadtong November 2024 batok nila President Ferdinand Marcos Jr., First Lady Liza Araneta-Marcos ug kanhing House Speaker Martin Romualdez.
Ang Department of Justice o DOJ maoy nagsang-at sa tulo ka grave threats cases batok kang Duterte.
Una nang nangayo ang kampo sa Bise Presidente nga ibasura ang kaso tungod sa ilang pagkuwestiyon sa hurisdiksiyon sa korte.
Apan gipadayon sa korte ang legal proceedings ug gipagawas ang warrant human makita ang probable cause.
Sa pagkakaron, nagpadayon ang legal process samtang gipaabot ang sunod nga lakang sa kampo ni Vice President Duterte.
