Wala mitungha si Vice President Sara Duterte sa Quezon City Regional Trial Court kaniadtong September 4, 2026 human nagpagawas og warrant of arrest batok kaniya nga adunay kalabotan sa tulo ka counts sa kasong grave threats.
Gipagawas sa QC RTC Branch 98 ang warrant human makita sa korte nga adunay probable cause aron ipadayon ang trial batok sa Bise Presidente.
Nag-andam ang mga awtoridad sa posibleng pag-abot ni Duterte sa korte, lakip ang giandam nga mugshot backdrop sulod sa court premises.
Apan hangtod alas 6:00 sa gabii, wala gihapon ang presensya sa Bise Presidente sa korte.
Sumala sa iyang abogado nga si Atty. Paul Lawrence Lim, walay plano si Duterte nga molikay sa balaod ug gamiton niini ang tanang legal remedies nga gitugotan ubos sa mga lagda.
Ang maong mga kaso konektado sa pamahayag ni Duterte kaniadtong November 2024 batok nila President Ferdinand Marcos Jr., First Lady Liza Araneta-Marcos ug kanhing House Speaker Martin Romualdez.
