Padayong gikuwestiyon sa Office of the Ombudsman ang balik-balik nga extension sa medical leave ni Senador-Judge Loren Legarda, bisan gikumpirma ni Senate President Sherwin Gatchalian nga adunay seryosong sakit ang senadora.
Matod ni Assistant Ombudsman Mico Clavano, kung tinuod nga seryoso ang sakit ni Legarda, mas makatarunganon unta nga usa na lang ka medical leave ang iyang gi-file imbes nga padayun kining ginapalugwayan.
Ika-upat na kini nga extension sa medical leave ni Legarda, nga molungtad hangtod September 2, 2026.
Ginaimbestigahan karon sa Ombudsman si Legarda,lakip na ang anak niini nga si Batangas Representative Leandro Leviste, ug kanhi Energy Secretary Alfonso Cusi tungod sa plunder ug graft complaints nga adunay kalabotan sa solar energy projects.
Matod sa mga imbestigador, adunay mga proyekto nga wala matuman sumala sa gisaad, samtang kapin ₱10.44 billion ang giingong unpaid financial obligations sa gobyerno.
Dugang pa ni Clavano nga nakadugang sa ilang pagduda nganong anaa sa gawas sa nasud ang mag-inahan bisag gimandoan silang mosumite og counteraffidavit.
Gihimakak ni Legarda ang mga alegasyon, nga iyang gihulagway nga walay basehan, ug mipahayag nga andam niyang ipagawas ang kamatuoran aron malimpyohan ang iyang ngalan.
