Gipahibalo nga No. 17 seed na si Pinay tennis star Alex Eala sa US Open women’s singles ug makig-atbang sa usa ka qualifier sa first round sa torneo sa Flushing Meadows, New York.
Gipagawas sayo karong Biyernes, Agosto 28, 2026 ang men’s ug women’s singles brackets, samtang nagpadayon pa ang qualifying matches. Magsugod ang main-draw action sa August 30, 2026.
Si Eala, nga anaa karon sa career-best No. 18 sa WTA rankings, mosalmot sa iyang ikaduhang women’s main-draw appearance sa US Open. Nahimo na usab siyang girls’ Grand Slam champion sa maong torneo.
Kung makalusot siya sa second round, iyang makontra ang modaog tali nila Oleksandra Oliynykova ug wild card Reese Brantmeier.
Apil usab sa iyang section sa draw si No. 14 seed Iva Jovic, nga makig-atbang kang Magdalena Fręch, ug si Magda Linette nga qualifier usab ang unang kontra.
Kahinumdoman nga kaniadtong miaging tuig, nakaabot si Eala sa Round of 64 human niyang gipildi ang Danish professional tennis player nga si Clara Tauson.
Sukad kaniadto, nakaabot usab siya sa Round of 16 sa Wimbledon ug nakadaog sa iyang unang WTA Tour-level title sa Mubadala DC Open.
