Gikumpirma nga usa ka Pilipino ang gikatahong nawala human sa grabeng flash flood nga miigo sa Nepal.
Sumala sa Nepal Tourism Board, ang Pilipino apil sa 644 ka tawo nga padayon pang ginapangita human sa kalamidad.
Gipahayag sa mga awtoridad nga wala gihunong ang search and rescue operations aron makit-an ang mga missing, lakip ang mga foreign nationals nga naapektuhan sa pagbaha.
Una niini, miigo ang kusog nga flash flood sa Bhote Koshi ug Trishuli rivers sa mga lugar sa Rasuwa, Nuwakot, Dhading ug Gorkha alas-8:30 sa gabii niadtong August 26.
Miresulta ang kalamidad sa dakong kadaot sa mga komunidad, samtang kapin 300 ka tawo ang gikatahong namatay base sa gihatag nga report.
Dugang pa, nagpadala usab og rescue teams ang pipila ka nasud aron motabang sa pagpangita sa mga nawala ug sa paghatag og assistance sa mga naapektuhan.
Sa pagkakaron, padayon ang operasyon sa mga rescue personnel samtang wala pa’y dugang detalye nga gipagawas kabahin sa identidad ug kahimtang sa nawalang Pilipino.
