Gipakusog sa Department of Social Welfare and Development Field Office XI ang validation sa mga benepisyaryo sa Social Pension Program for Indigent Senior Citizens pinaagi sa paggamit sa bagong Social Pension Validation Mobile App.
Niadtong August 26, 2026, miapil ang DSWD XI Social Pension Program Head Lani E. Cudino ug program staff sa virtual orientation nga gipangulohan sa DSWD Central Office pinaagi sa Google Meet. Tumong sa orientation nga matudluan ang mga personnel sa husto nga paggamit sa mobile app alang sa validation ug pag-update sa impormasyon sa mga senior citizen beneficiaries.
Gipaila usab sa mga partisipante ang mga features ug functions sa application, lakip ang proper procedures sa paggamit niini. Gihisgutan usab ang operational ug technical concerns aron masiguro nga andam ang mga personnel sa paggamit sa system sa ilang tagsa-tagsa ka area.
Ang mobile app gituyo aron mahimong digital tool sa pag-validate sa benepisyaryo, pag-update sa records ug pagmonitor sa programa.
Gilauman sa DSWD XI nga pinaagi sa mas sistematiko ug technology-assisted nga proseso, mas mahimong accurate ang beneficiary records ug mas paspas ang monitoring sa Social Pension Program sa tibuok Davao Region.| VIA BOMBO EROS PAJOTA
