Mas gipalapadan pa sa Department of Social Welfare and Development Field Office XI ang suporta sa mga benepisyaryo sa Pantawid Pamilyang Pilipino Program pinaagi sa LAMANO o The Handshake, diin mipirma kini og Memoranda of Agreement uban sa 11 ka bag-ong partner organizations.
Gipahigayon ang seremonyal nga pagpirma kagahapong adalwa, Agosto 25, 2026 sa King Multipurpose Cooperative sa Davao City.
Lakip sa mga bag-ong partners ang mga grupo gikan sa civil society, pribadong sektor, akademya ug local government units.
Tumong sa partnership nga mapalapad ang access sa mga pamilyang 4Ps ngadto sa livelihood, employment, edukasyon, skills development, health services, legal assistance, humanitarian support ug capacity-building.
Apil sa mga partner ang Philippine Red Cross chapters sa Davao Oriental ug Davao de Oro, mga eskwelahan, training institutions, legal office, pribadong kompanya ug LGU-Banaybanay.
Matod sa DSWD XI, importante ang panagtinabangay aron mas daghang oportunidad ang mahatag sa mga pamilya padulong sa self-sufficiency.
Pinaagi sa LAMANO, mas mapadali ang pagdugtong sa mga benepisyaryo ngadto sa serbisyo ug programa nga makatabang sa ilang panginabuhian, edukasyon, panglawas ug long-term development.
