Gidayeg sa Department of Finance ug Bangko Sentral ng Pilipinas ang desisyon sa Moody’s Ratings nga ipabilin ang investment-grade nga Baa2 credit rating sa Pilipinas uban sa stable outlook.
Matod ni Finance Secretary Frederick Go, nagpakita ang maong assessment nga nagpabiling lig-on ang macroeconomic fundamentals sa nasod bisan adunay global energy shock ug paghinay sa public infrastructure spending.
Gipasiugda usab sa BSP nga ipadayon niini ang mga lakang aron mapaduol pag-usab ang inflation sa target, mapanalipdan ang banking system, mapalig-on ang payments system ug madumala pag-ayo ang international reserves.
Bisan gipabilin ang rating, gipakunhod sa Moody’s ang 2026 growth forecast sa Pilipinas ngadto sa 3.6 porsyento gikan sa 5.5 porsyento, samtang ang 2027 forecast gibanan usab ngadto sa 5.3 porsyento.
Gitaasan usab sa ahensya ang projection sa current account deficit ug government debt burden.
Sa pagkakaron, giingon sa Moody’s nga broadly on track gihapon ang fiscal consolidation ug debt stabilization, apan nagpabilin ang risgo gikan sa weak confidence, political developments ug posibleng pagka delatar sa revenue measures.
