Miadto sa Moscow si US Central Intelligence Agency Director John Ratcliffe alang sa wala gipahibalong kasabotan, samtang wala pa gikumpirma sa Washington ug Moscow ang eksaktong katuyoan sa iyang biyahe.
Gikatahong miabot si Ratcliffe sa Russian capital niadtong Martes, Agosto 26, 2026 diin talagsa ra mahitabo ang face-to-face talks tali sa taas nga opisyal sa Estados Unidos ug Russia.
Flight tracking data usab nagpakita nga usa ka US C-17 military transport aircraft ang milupad paingon Russia pinaagi sa Latvia ug mibalik pagkahuman sa pipila ka oras.
Dugang pa, giingong giabisohan sa US ang Ukraine nga adunay senior delegation nga moadto sa Moscow ug gihangyo ang Kyiv nga temporaryong hunongon ang strikes hangtod makagawas ang maong grupo.
Gitan-aw sa pipila ka analysts nga posibleng adunay kalabotan ang pagbiyahe ni Ratcliffe alang sa escalation management, prisoner negotiations o stalled peace efforts sa Russia-Ukraine war.
Nahibal-an nga nakigtambayayong na ang maong opisyal kaniadto sa prisoner exchanges tali sa Washington ug Moscow.
Sa pagkakaron, wala pa’y opisyal nga pahayag kung kinsa ang iyang nahimamat ug unsay resulta sa pakigpulong.
