Gipahayag ni Alex Eala’s coach Joan Bosch nga bisan paspas ang pagsaka sa Filipina tennis star sa world rankings, daghan pa gihapon og aspeto sa iyang dula ang mahimong mapalambo.
Matod sa Spanish coach, lakip sa ilang padayong ginatrabaho ang serve, return, forehand, backhand, volley, footwork, endurance ug speed.
Dugang pa, gipasiugda ni Bosch nga importante ang padayong proseso sa pagkat-on ug pag-uswag, usa ka butang nga matod pa niya maayo nga ginapakita ni Eala sa training.
Sumala pa sa coach, paspas usab nga ma-apply ni Eala ang bag-ong mga instruction ug klaro ang direksyon sa ilang player development.
Lakip sa ilang gipasiugda ang pagsalig tali sa coach ug player aron mas epektibo ang pag-adjust sa training ug match preparation.
Sa pagkakaron, nag-andam si Eala sa iyang pagbalik sa US Open, diin mosabak siya sa women’s singles ug mixed doubles kauban si Felix Auger-Aliassime.
Apil usab siya sa Stars of the Open exhibition event. | VIA BOMBO EROS PAJOTA
