Mibuga og abo ang Bulkang Kanlaon sa Negros Island karong adlawng Domingo sa hapon, sumala sa Philippine Institute of Volcanology and Seismology (PHIVOLCS).
Nahitabo ang pagbuga sa abo mga alas 1:12 sa hapon, sumala sa pahibalo sa PHIVOLCS.
Ang gibugang abo miabot sa gibanabanang 150 metros gikan sa baba sa bulkan sa wala pa kini gipadpad sa kusog nga hangin paingon sa habagatan-sidlakan.
Nagpabilin sa Alert Level 2 ang Bulkang Kanlaon.
Ubos sa Alert Level 2, posible ang kalit nga phreatic eruption o pagbuto nga tungod sa init nga alisngaw, ingon man ang mga timailhan sa posibleng pagsugod sa kalihokan sa magma.
Tungod niini, padayon nga gipahinumdoman ang publiko nga magmabinantayon ug mosunod sa mga pahibalo sa PHIVOLCS ug uban pang mga awtoridad bahin sa kalihokan sa bulkan.
| via Bombo Ray Ann Martinez
