Manguna sila Olympic gold medalist Carlos Yulo ug iyang manghod nga si Karl Eldrew Yulo sa Philippine gymnastics team alang sa 2026 Asian Games sa Japan.
Kauban sa Yulo brothers sa men’s artistic gymnastics sila Juancho Miguel Besana, Justine Ace de Leon ug Zachary Cortins Nuñez.
Dugang pa, pangunahan ni Olympian Levi Ruivivar ang women’s artistic gymnastics team kauban sila Kylee Kvamme, Chiara Dawn Andrew, Lauren Supnet ug Haylee Garcia.
Lakip usab sa rhythmic gymnastics roster sila Breanna Labadan ug Jasmine Ramilo, samtang sila Jerry Ilano Jr. ug Luvicar Janine Padilla ang representante sa Pilipinas sa trampoline gymnastics.
Matud pa sa team, target nilang makuha ang unang gymnastics medal sa Pilipinas sa kasaysayan sa Asian Games.
Sa pagkakaron, nagpadayon ang preparasyon sa national team alang sa continental meet.
Gikatakda ang 2026 Asian Games gikan Septiyembre 19 hangtod Oktubre 4 sa Japan, diin gilauman ang hugot nga kompetisyon batok sa mga nag-unang gymnastics powerhouse sa Asia. | VIA BOMBO EROS PAJOTA
