Andam nang mubida karong adlawa, si Filipina tennis star Alex Eala sa third round sa Cincinnati Open sa Mason, Ohio, diin iyang atubangon si World No. 10 Amanda Anisimova.
Kini ang unang panag-atubang sa duha sa WTA Tour, diin si Eala maoy No. 17 seed samtang si Anisimova maoy No. 9 seed sa torneo.
Nakasulod si Eala sa third round human modaog batok kang Elena-Gabriela Ruse, 6-1, 3-0, sa dihang miretiro ang Romanian tungod sa injury.
Si Anisimova mipasar usab pinaagi sa 6-2, 6-3 nga kadaugan batok kang Zeynep Sonmez.
Mas taas ang ranking sa 24-anyos nga American, nga kasamtangang World No. 10 ug nakaabot na sa career-high World No. 3.
Apan mosulod si Eala sa duwa nga adunay lig-on nga momentum human sa maayong kampanya sa North American hard courts.
Dakong pagsulay kini sa Filipina ace, apan oportunidad usab aron makadugang og usa na usab ka dagkong ngalan sa iyang listahan sa mga napildi. | VIA BOMBO EROS PAJOTA
