Milampas na sa ₱38 trilyon ang total funds ug assets sa mga financial institution sa Pilipinas human misaka sa rekord nga ₱38.3 trilyon kaniadtong Hunyo, base sa datos sa Bangko Sentral ng Pilipinas.
Misaka kini og 8% kumpara sa parehas nga panahon sa miaging tuig, nga nagpakita sa padayong pagdako sa loans, deposits, capital ug investments sa financial sector.
Pinakadako gihapon ang bahin sa mga bangko nga adunay kapin 83% sa total resources, o mokabat sa ₱32 trilyon.
Ang resources sa dagkong bangko misaka ngadto sa ₱30 trilyon, samtang ₱1.5 trilyon ang naa sa thrift banks.
Mas paspas usab ang pagtubo sa digital banks nga adunay ₱208.4 bilyon nga resources, samtang ₱587 bilyon ang rural ug cooperative banks.
Samtang, ang nonbank financial institutions sama sa insurance companies, pawnshops ug pension funds adunay ₱6.3 trilyon nga resources.
