Nagtanyag ang Iran og $30,000 nga reward money sa bisan kinsa nga makadakop o makapatay og sundalong Amerikano, sumala sa pahayag ni Iranian Army Chief Amir Hatami.
Matod ni Hatami, gilusad ang programa human makadawat ang militar og daghang hangyo gikan sa mga Iranian nga gustong moapil.
Doble usab ang ganti alang sa mga babaye, nga mahimong makadawat og $60,000 kung sila ang makadakop o makapatay og US soldier.
Wala gipaklaro ni Hatami kung asa o kanus-a ipatuman ang programa.
Sa pagkakaron, walay kumpirmadong deployment sa US ground forces sulod sa Iran, gawas sa rescue mission kaniadtong Abril alang sa usa ka American pilot.
Gipaningkamotan usab ni Hatami nga papahawaon ang US forces sa Middle East ug giinsistir nga dili na tugotan ang ilang pagsulod sa Persian Gulf, Gulf of Oman ug Strait of Hormuz.
