Sagubangon ni Filipina tennis star Alex Eala ang World No. 10 nga si Amanda Anisimova sa third round sa Cincinnati Open karong Lunes sa Mason, Ohio.
Nakasulod si Eala sa maong hugna human modaog batok kang Elena-Gabriela Ruse, 6-1, 3-0, sa dihang miretiro ang Romanian tungod sa right foot injury.
Kini ang unang higayon nga mag-atubang sa court si Eala ug Anisimova.
Nasiguro ni Anisimova ang iyang puwesto human pildihon si Zeynep Sonmez, 6-2, 6-3.
Padayon ang kusog nga kampanya ni Eala sa North American swing human sa iyang round of 16 finish sa Canadian Open.
Mosulod usab si Eala sa duwa nga adunay lig-on nga momentum human sa iyang sunod-sunod nga maayong resulta karong season.
Gipaabot nga mahimong usa kini sa pinakalisod nga duwa ni Eala sa torneo tungod sa ranking ug kasinatian ni Anisimova. | VIA BOMBO EROS PAJOTA
