Masinatian sa katawhan ang walay balda nga signal atol sa mga kalingawan sa Kadayawan karong tuiga.
Kagahapong adlawa, gilusad ang 5G Pitshop diin nagbukas sa dalan alang sa sunod-sunod nga mga kalihokan sa kultura ug komunidad nga gipadagan sa teknolohiya agig pagsaulog sa ika-41 nga Kadayawan Festival sa Davao City.
Usa sa gi-atangan sa katawhan ang mabulukon ug sadya nga Pamulak ug Inak-Indak sa kadayawan o ang tanyag nga Street Parad sa Roxas Avebue paingon sa San Pedro Square ug ang Grand showdown sa Indak-Indan sa Kadayawan nga ipahigayon sa Tulip Drive, Davao coastal road sa alas says sa gabii.
Subay sa opisyal nga tema sa festival karong tuiga nga “We are KadayaONE,” gipalapdan sa maong telecom provider ang sakop sa ilang 5G network ngadto sa mga nag-unang dapit sa kasaulogan sa Davao City aron maatiman ang pagdagsa sa mga turista ug masiguro ang walay hunong nga digital connectivity atol sa mga adlaw nga labing daghan ang mga kalihokan.
Matod ni Globe Chief Marketing Officer KD Dizon, giisip sa kompanya ang Kadayawan isip oportunidad aron suportahan ang mga kalihokan sa kultura ug komunidad sa siyudad, samtang naghatag og konektibidad alang sa mga residente ug mga bisita.
