Gitay-og sa magnitude 5.3 nga linog ang kadagatan duol sa Balut Island, Sarangani, Davao Occidental sayong buntag karong Biyernes, Agosto 14, 2026.
Matud sa Philippine Institute of Volcanology and Seismology o PHIVOLCS, nahitabo ang linog alas-2:39 sa kaadlawon.
Una kining na-report isip magnitude 5.9, apan giusab sa PHIVOLCS ngadto sa magnitude 5.3 human sa dugang nga validation sa datos.
Tectonic ang gigikanan sa linog ug adunay giladmon nga 48 kilometro.
Giklaro usab sa PHIVOLCS nga aftershock kini sa magnitude 7.8 nga Offshore Sarangani ug magnitude 6.5 nga Offshore Davao Occidental earthquakes nga miigo kaniadtong Hunyo 2026.
Sa pagkakaron, wala’y natala nga kadaot tungod sa maong paglinog.
Padayon gihapon ang monitoring sa mga otoridad sa kahimtang sa linog sa maong bahin sa Davao Occidental.
