Gipahayag ni COA auditor Xylene del Campo nga dili sakop sa mandato sa Office of the Vice President ug sa Department of Education secretary ang pagpahigayon og confidential operations.
Nahimo ang pahayag atol sa Day 15 sa impeachment trial ni VP Sara Duterte kagahapong adlawa Agosto 13, 2026 human gipangutana ni private prosecutor Atty. Lorna Kapunan kabahin sa mandato sa duha ka opisina.
Matud ni Del Campo, base sa nakalatid nga mandato sa OVP ug DepEd, wala niini gilakip ang confidential activities.
Giklaro usab niya nga dili mahimong gamitan og confidential funds ang tree planting, Christmas parties, wheelchair distribution ug ubang social services.
Ang maong mga kalihokan gipahigayon sa OVP gikan Disyembre 13 hangtod 18, 2022, samtang Disyembre 21 pa nadawat sa opisina ang ₱125 million nga confidential fund allocation.
Ubos sa Joint Circular 2015-01, limitado lamang ang paggamit sa confidential funds sa information gathering, surveillance, safehouse, transport, supplies ug rewards sa informers nga adunay supporting documents.
Ginadili usab sa joint circular ang paggamit sa confidential fund isip reimbursement sa mga gasto nga nahimo sa wala pa mahatag ang cash advance.
