Naghimo og send-off ceremony ang Davao City Fire District o DCFD niadtong Miyerkules alang sa ilang deployment isip suporta sa Kadayawan Festival 2026.
Kabahin kini sa pagpangandam sa ahensya aron masiguro ang kaluwasan sa publiko atol sa nagkalain-laing kalihokan sa pista.
Matud sa DCFD, andam ang ilang mga personnel sa paghatag og serbisyo ug pagtubag sa posibleng emerhensya ilabina sa mga lugar nga daghan ang motambong.
Gipasiugda sa ahensya ang panaghiusa sa tanang sektor aron mapadayon ang usa ka malinawon, luwas ug walay insidente sa sunog nga pagsaulog sa Kadayawan.
“As we celebrate Kadayawan, let us work together for a safe, peaceful, and fire-free celebration,” matud sa DCFD.
Padayon ang pag-deploy sa mga personnel ug pagmonitor sa kahimtang sa mga aktibidad sa Kadayawan Festival 2026. | VIA BOMBO EROS PAJOTA
