Gibaligya na ang Los Angeles Lakers, usa sa labing malampusong koponan sa kasaysayan sa NBA, ngadto sa grupo nga gipangulohan ni kanhing Disney CEO Bob Iger ug investor Joshua Kushner sa kantidad nga $12.5 billion.
Sumala sa report, mahimong kini ang pinakataas nga valuation sa usa ka North American sports franchise kung maaprobahan sa NBA board of governors.
Si Kushner ug Iger miingon nga dako nilang dungog ang oportunidad nga mahimong tigbantay sa usa sa labing iladong basketball teams sa kalibotan.
Gipahayag usab nila ang ilang respeto sa liderato ni Jerry ug Jeanie Buss ug ilang saad nga ipadayon ang tradisyon sa Lakers nga makigkompetensya sa pinakataas nga lebel.
Nahuman niini ang dugay nang pagdumala sa Buss family nga mikabat og 46 ka tuig.
Ang Lakers nakadaog og 17 ka NBA championship, ikaduha lamang sa Boston Celtics, ug nahimong puluy-anan sa dagkong bituon sama nila Kareem Abdul-Jabbar, Shaquille O’Neal ug Kobe Bryant.
Karong panahona, gipangulohan ang koponan ni Slovenian superstar Luka Doncic human mobiya si LeBron James paingon sa Philadelphia 76ers.
Kinahanglan pa nga maaprobahan sa NBA ang maong baligya sa dili pa kini mahimong opisyal. | VIA BOMBO EROS PAJOTA
