Gipaabot nga ablihan sa Septiyembre 1, 2026 ang KOJC King Dome sa Davao City, nga mahimong bag-ong venue sa dagkong concerts, gatherings ug uban pang large-scale events sa siyudad.
Ang indoor arena adunay kapasidad nga 75,000 ka lingkoranan ug ginabandera nga usa sa pinakadakong indoor venues sa kalibotan, diin liboan ka spectators ang mahimong ma-accommodate sulod sa usa ka lugar.
Gawas sa religious activities, posibleng gamiton usab ang King Dome alang sa concerts, entertainment shows, cultural events, conventions ug uban pang dagkong kalihokan.
Ang pag-abli niini gilaumang makadugang og laing opsyon alang sa local ug international performers nga gustong maghimo og dagkong concert o show sa Davao City.
Posible usab nga makadani kini og dugang bisita ngadto sa siyudad ilabina kon adunay dagkong national ug international events nga ipahigayon sa maong venue.
Samtang nagkaduol ang target opening sa Septiyembre 1, gipanglantaw na usab kung unsang dagkong events ug performers ang mahimong unang mosaka sa entablado sa KOJC King Dome.
