Nagpabiling Department of Education o DepEd ang adunay pinakadakong proposed allocation ubos sa 2027 National Expenditure Program, nga mokabat sa P976 billion.
Opisyal nang giturn-over sa Department of Budget and Management ngadto sa House of Representatives kagahapon, Agosto 11, ang P7.2 trillion nga proposed national budget alang sa 2027.
Sunod sa DepEd ang Department of Public Works and Highways nga adunay P644 billion, samtang P353.8 billion ang proposed allocation alang sa health sector, lakip ang DOH, specialty hospitals ug PhilHealth.
Gisundan kini sa Department of the Interior and Local Government nga adunay P332.5 billion, Department of National Defense nga P328.8 billion, ug transportation sector nga P302.2 billion.
Alang sa agriculture sector, P261.7 billion ang proposed allocation, samtang P241.6 billion ang alang sa social welfare ug P176.5 billion alang sa higher education.
Ang Judiciary adunay proposed allocation nga P86.3 billion.
Ang P7.2 trillion nga National Expenditure Program mao pa ang proposed budget ug ipaagi pa kini sa deliberasyon sa Kongreso sa dili pa mahimong pinal nga national budget alang sa 2027. | VIA BOMBO EROS PAJOTA
