Gi-atake sa Iran-aligned Houthi group sa Yemen ang Jazan refinery sa Saudi Aramco kaniadtong Domingo, Agosto 9, 2026, pipila ka adlaw human mipirma ang Saudi Arabia og defense pact uban sa Turkey ug Pakistan isip tubag sa nagkagrabeng regional instability tungod sa gubat tali sa US, Israel ug Iran.
Houthi military spokesperson Yahya Saree mipahayag nga migamit sila og drone aron targeton ang refinery sa Jazan, southwestern Saudi Arabia.
Samtang, mitungha ang sunog sa refinery apan dali ra kining napalong ug walay natalang nasamdan, base sa Saudi Energy Ministry.
Adunay kapasidad ang Jazan refinery nga makaproseso og hangtod 400,000 barrels sa crude oil kada adlaw ug kaniadto na usab nahimong target sa mga pag-atake sa maong rebeldeng grupo.
Gipahibalo usab sa Houthis nga nagpahigayon sila og missile ug drone attacks batok sa Mocha, usa ka Yemeni Red Sea port city.
Gipabuthan sa air defenses ang mga drone nga giingong nagtarget sa commercial quay ug storage facilities sa pantalan.
Mga Saudi Arabian soldiers ug weapons arsenal sa maong lugar ang gi-target sa maong opensiba.
Pito ka tawo ang namatay sa pag-atake, base sa pahayag sa Yemeni military spokesperson.
Grabe usab ang kadaot sa imprastraktura sa pantalan, sumala sa Yemeni Transportation Ministry.
Una nang nagdeklara ang Houthis og naval blockade batok sa Saudi Arabia sa Red Sea, nga ilang gilangkit sa giingong blockade sa Riyadh batok kanila, nga gilimod sa Saudi government.
Nakalatid sa ilang kasabutan nga ang armadong pag-atake batok sa usa sa tulo ka nasud pagaisipon nga pag-atake batok sa tanan.
Wala pa’y klaro kung moapil ba o unsaon pagtubag sa Turkey ug Pakistan kung mohimo og aksyon ang Saudi Arabia batok sa mga bag-ong pag-atake sa Houthis.
Gipatin-aw ni Turkish Foreign Minister Hakan Fidan nga dili batok sa Iran o sa bisan unsang partikular nga nasud ang defense pact, kundili usa kini ka kinatibuk-ang kasabutan alang sa pagpalig-on sa seguridad sa tulo ka magkaalyadong nasud
