GipusiL-patay ang usa ka Barangay Staff nga giila nga si alyas “Henry”, 32 anyos ug residente sa Pepsi, Brgy. Dumoy, Toril District, Davao City, samtang nagtindog duol sa Barangay Hall Dumoy kaniadtong Agosto 4, 2026, alas-6:30 sa gabii.
Nasaksihan sa iyang pag-umangkon nga si alyas “John”, 22 anyos, estudyante ug residente sa maong lugar, ang duha ka wala mailhing suspek nga nagsakay og red/black nga XRM motorcycle.
Ang drayber nagsul-ob og itom nga helmet, samtang ang back rider nga mao ang giila nga mipusil nagsul-ob og puti nga helmet.
Nakurat ang saksi sa sunod-sunod nga buto sa armas ug nakita niya ang biktima nga nagbuy-od sa yuta.
Mikalagiw ang mga suspek paingon sa wala matinong direksyon human sa insidente.
Gidala ang biktima sa Malta Hospital apan gideklarar nga dead on arrival sa doktor alas 7:22 sa gabii samang adlaw.
Nagpadayon ang imbestigasyon sa Baliok Police Station uban sa RFU11-SOCO Team alang sa crime scene processing ug post-mortem examination aron matino ang hinungdan sa pagpamsusil.
