Mas mikusog ang panawagan sa Alliance of Concerned Teachers kon ACT nga mapaspasan ang pag-apruba sa Teacher Protection Bill human sa insidente sa usa ka magtutudlo sa Maco, Davao de Oro nga gitabangan og kulata human manita sa usa ka estudyante.
Sumala sa report, ang maong hitabo nagpakita nga kinahanglan pa og dugang nga suporta ang mga pampublikong eskwelahan, ilabina sa serbisyo sa guidance counselors ug psychosocial support.
Matod kang ACT-Davao President Reynaldo Pardillo, dili lang ang mga estudyante ang angay panalipdan, kundili apil usab ang mga magtutudlo nga nagtuman sa ilang trabaho matag adlaw.
Dugang niya, tungod sa Child Protection Policy, adunay mga magtutudlo nga mahadlok na sa pagdisiplina sa ilang mga estudyante kay basin sila na hinuon ang mareklamo.
Busa, nanghinaut ang ACT nga mapaspasan ang pag-apruba sa Teacher Protection Bill aron adunay mas lig-on nga proteksyon ang mga magtutudlo samtang nagtuman sa ilang katungdanan sa eskwelahan.
