Sugdan na og sirado karung adlawa, Hulyo 26, ang pipila ka mga kalsada sa Metro Manila isip kabahin sa pagpangandam alang sa ikalimang State of the Nation Address o SONA ni Pangulong Ferdinand Marcos Jr. sa Hulyo 27, 2026.
Base sa advisory sa Manila Public Information Office, lakip sa apektadong mga dalan ang mga bahin sa C.M. Recto Avenue, Legarda Street, Ayala Bridge, Ayala Boulevard, Magallanes Drive, MacArthur Bridge, Quezon Boulevard, Quezon Bridge ug Lerma Street.
Ipatuman ang road closures aron masiguro ang kahapsay sa trapiko ug seguridad atol sa SONA sa pangulo.
Tungod niini, gitambagan sa Metropolitan Manila Development Authority (MMDA) ang mga motorista nga mogamit sa alternatibong mga ruta aron malikayan ang grabeng kahuot sa trapiko.
Gilauman usab ang presensya sa mga kapulisan ug ubang personnel sa seguridad sa nagkalain-laing lugar nga maagian ug duol sa venue sa SONA.
