Gipangandaman na ang kapin 3,000 ka mga partisipante sa unang city-sanctioned trail running event sa Davao City nga Davao City Trail Ultra (DC Trail Ultra) nga sugdan karong Hulyo 25 hangtod 26 sa Baguio District ning syudad. Gikanayon na sa mga organizer ang pagbutang sa mga tents ug nagkalain-laing pasilidad sama sa event area, registration area, race kit claiming area, medical stations, hydration points, ug support facilities aron masiguro ang hapsay ug luwas nga dagan sa maong kompetisyon.
Sumala pa, giandam ang tanang gikinahanglan nga pasilidad tungod sa gidaghanon sa mga partisipante nga moapil sa trail running event nga adunay upat ka kategorya nga 50K, 25K, 12K, ug 5K. Dugang pa niini, ang DC Trail Ultra usa ka milestone sa sports development sa siyudad tungod kay kini ang unang trail running event nga opisyal nga gisandigan sa Davao City Government.
Sa kasamtangan, padayon ang final preparations aron masiguro ang kaluwasan sa mga runners, volunteers, ug tanang moapil sa maong unang Davao City Trail Ultra.
