Nagpasidaan ang Philippine Coast Guard (PCG) sa mga mangingisda ug marinero nga likayan una ang paglawig karong buntaga Hulyo 23, 2026 tungod sa nakatakdang rocket launch sa China.
Sumala sa Coast Guard District Northeastern Luzon, himuon ang rocket launch gikan sa East China Sea Launch Area sa Shanghai tali sa alas-10:46 hangtod alas-11:21 sa buntag.
Gipahibalo usab sa PCG nga adunay gitakdang drop zone o lugar diin posibleng mahulog ang mga debris sa rocket, nga nahimutang mga 115 nautical miles gikan sa Babuyan Island ug 129 nautical miles gikan sa Sta. Ana, Cagayan.
Tungod niini, gihangyo sa Coast Guard ang tanang mananagat,marinero, ug mga sakayan nga magpalayo sa maong lugar aron malikayan ang posibleng peligro.
Matud sa PCG, ang maong pahimangno kabahin sa ilang lakang aron masiguro ang kaluwasan sa mga naglayag sa amihanang bahin sa nasod samtang nagpadayon ang rocket launch sa China.
