Naugdaw ang kapin 100 ka mga balay human sa dakong sunog sa Drammen, Norway, sumala sa mga rescue official.
Gilukop sa mabagang itom nga aso ang maong lugar nga nahimutang mga 50 kilometro gikan sa kaulohan nga Oslo.
Bisan sa kadako sa sunog, walay natalang namatay o nawala nga mga residente.
Kapin 60 ka mga bombero ang gipakatap aron mapalong ang kalayo, samtang gigamit usab ang mga helikopter nga nagbubo og tubig gikan sa kahanginan aron mapugngan ang pagkuyanap sa sunog.
Tungod sa kusog nga hangin, paspas nga mikaylap ang kalayo ug miabot pa sa duol nga kalasangan, hinungdan nga gipahikling sa mga awtoridad ang gatusan ka mga residente.
Padayon pang giimbestigahan sa mga awtoridad ang hinungdan sa sunog samtang gihimo ang assessment sa gidak-on sa kadaot.
