Nakaplagan nang patay ang lawas sa usa ka South Korean navy seaman nga nawala sa dagat atol sa patrol mission duol sa maritime border sa North Korea, sumala sa mga taho nga gikutlo gikan sa militar sa South Korea.
Ang seaman nawala kaniadtong Hulyo 12, 2026 samtang sakay sa usa ka barko nga naglayag duol sa Northern Limit Line (NLL), diin gituohang naanod siya paingon sa bahin sa North Korea.
Sa wala pa makaplagi ang iyang lawas, mihangyo ang South Korean Unification Ministry sa North Korea nga motabang sa pagpangita ug luwas nga pagpauli sa nawagtang nga marinero.
Ang maong hangyo gipadala pinaagi sa text message ngadto sa South Korean media tungod kay wala nay aktibong linya sa komunikasyon tali sa duha ka nasod.
Apan, sumala sa pinakabag-ong report, narekober na ang iyang lawas human sa operasyon sa pagpangita.
Padayon pa sa pagkakaron ang imbestigasyon sa insidente, samtang gipaabot pa ang dugang detalye gikan sa mga otoridad sa Republic of Korea (ROK) ug Democratic People’s Republic of Korea (DPRK).
