Nagmando si Leyte Representative Ferdinand Martin Romualdez sa dinaliang paghatag og tabang sa mga biktima ug mga pamilyang naapektuhan sa insidente sa pagpamusil sa San Jose National High School sa Tacloban City.
Nakigkoordinar dayon ang iyang opisina sa mga ospital nga midawat sa mga nasamdan ug gisiguro nga sila ang musalo sa mga medikal nga galastuhon. Giingon ni Romualdez nga prayoridad nila ang pagsiguro nga madawat sa mga biktima ang gikinahanglang pagtambal nga walay kabalaka sa pinansyal nga gasto.Gipasalig usab sa iyang opisina nga sila ang mugasto sa burial sa mga nakabsan sa kinabuhi sa maong makalilisang nga insidente
Nakigkoordinar usab kini sa Department of Social Welfare and Development (DSWD) aron makahatag og psychosocial intervention ug trauma support sa mga estudyante, magtutudlo ug uban pang naapektuhan.Gipahayag ni Romualdez nga magpadayon ang paghatag og tabang pinaagi sa koordinasyon sa mga lokal nga panggamhanan, mga ospital, mga eskwelahan ug uban pang mga hingtungdang ahensya.
