Giaprobahan sa Sandiganbayan ang hangyo nga hospital arrest ni kanhing Department of Public Works and Highways (DPWH) Secretary Manuel Bonoan.
Sumala sa resolusyon sa Fifth Division, tugotan ang kanhing kalihim nga magpabilin sa PNP General Hospital sa Camp Crame imbis nga ibalhin sa The Medical City.
Sa mosyon sa iyang abogado, gipakita nga tungod sa iyang edad ug mga problema sa panglawas, mas angay nga siya magpabilin sa nasangpit nga ospital samtang nagpadayon ang iyang pagpanambal.
Magpabilin si Bonoan sa PNP General Hospital samtang naghulat sa pag-uswag sa iyang kaso sa korte.
Matud sa rekord, nadakpan ug naisyuhan og warrant of arrest ang kanhing kalihim may kalabutan sa kasong plunder gikan sa Sandiganbayan.
Kauban si Bonoan sa mga akusado sa graft ug plunder lakip si Jinggoy Estrada ug uban pa may kalabotan sa giingong anomalya sa flood control projects.
