Padayon ang pagpangandam ni Alex Eala alang sa umaabot nga French Open human makumpirmang moapil siya sa Internationaux de Strasbourg sa France gikan Mayo 17 hangtod 23.
Apan, moagi una ang 20-anyos nga Pinay tennis star sa qualifying round aron makasulod sa main draw sa WTA 500-level tournament.
Si Eala mao ang top seed sa qualifying round sa Strasbourg.
Adunay posibilidad usab nga direkta siyang makasulod sa main draw kon adunay moatras nga usa ka partisipante sa dili pa magsugod ang torneyo.
Lakip sa mga naa sa main draw sila Madison Keys, Leylah Fernandez, Emma Navarro ug Maria Sakkari.
Gikan si Eala sa impresibong kampanya sa Italian Open diin nakaabot siya sa third round sa singles competition.
Sa iyang ulahing duwa, napugos niya pag-ayo si world No. 2 ug Australian Open champion nga si Elena Rybakina sa wala pa mapildi sa iskor nga 4-6, 3-6.
Padayon usab ang iyang hugot nga pagpangandam alang sa iyang kampanya sa French Open nga pagahimoon gikan Mayo 24 hangtod Hunyo 7 sa Paris.
