Gikoronahan si Bea Millan-Windorski sa La Union isip bag-ong Miss Universe Philippines human niyang napildi ang 50 ka ubang kandidata sa coronation night nga gipahigayon sa Mall of Asia Arena.
Nakahatag og dakong impresyon sa mga hurado ang iyang tubag sa question-and-answer portion, diin iyang gipasiugda ang dakong potensyal ug talagsaong abilidad sa mga Pilipino bisan pa sa mga hagit nga giatubang sa nasod.
Sumala pa kaniya, maong rason usab kini ngano mibalik siya sa Pilipinas aron irepresentar ug ipakita sa kalibotan ang gahum ug kahanas sa mga Pilipino.
Lakip sa mga niabot sa final round ang mga kandidata gikan sa Cebu City, Tarlac, Taguig, Cebu Province, Pampanga, ug Sultan Kudarat.
Dugang pa niini, si Millan-Windorski maoy mopuli kang Ahtisa Manalo ug mahimong opisyal nga representante sa Pilipinas sa ika-50 nga Miss Universe pageant nga pagahimoon sa Puerto Rico.
