Dismayado si Pangulong Ferdinand Marcos Jr. human pakyas nga mabalik sa Pilipinas ang kanhi Ako Bicol paty-list Rep. Zaldy Co, sumala sa Malacañang.
Gisulti ni Palace Press Officer Claire Castro, nga personal niya naistorya ang Pangulo ug miangkon kini nga “disappointed” siya tungod hapit na matuman ang repatriation ni Co.
Sumala sa palasyo, migawas ang maong isyu nga may kalabutan sa paggamit og invalid documentation, maong Czech Republic pa gihapon ang adunay hurisdiksiyon sa mga mosunod nga lakang batok sa kaso ni Co.
Giklaro sab sa Malacañang nga walay nakita nga dahilan aron mangayo og pasaylo ang Pangulo sa publiko, luyo sa pagkadismaya sa mga Pilipino sa wala nadayon nga pagpauli sa kanhi kongresista.
Segun pa ni Castro, gibuhat sa administrasyon ang tanan nga angay nga mga lakang aron ma proseso ang kaso. Gibarugan sab sa Palasyo nga walay mali sa nahimong pahayag sa Pangulo nga may kalabutan sa pagsikop kang Co sa Prague, Portugal.
Naglaum sab ang pamahalaan, pinaagi sa mas halapad nga kooperasyon sa mga nasud nga ilawom sa United Nations Convention Against Corruption (UNCAC), aron mas mapadali ang proseso sa posibleng pagpabalik sa Pilipinas sa kanhi kongresista, nga nag atubang sa mga kasong may kalabutan sa korapsyon sa flood control projects.
