Nagpahigayon og kapin 30,000 ka security operations ang 10th Infantry Division aron mapreserba ang kalinaw ug kahapsay sa Davao Region.Sumala ni Maj. Ruben Gadut, Chief sa DPAO 10th ID , lakip sa mga operasyon ang checkpoint operations, patrol-based operations, combat sustainment, ug pagbantay sa critical infrastructure sama sa mga dalan ug proyekto sa gobyerno aron masiguro ang kaluwasan sa publiko.
Gipasabot usab nga gipalig-on ang community outreach programs, lakip ang information campaigns ug pakig-uban sa mga barangay ug indigenous peoples aron mapugngan ang pagbalik sa armadong grupo.Dugang pa, gipasiugda sa 10th ID nga dako ang papel sa civil-military operations sama sa medical missions, livelihood support ug peace advocacy sa pagtubag sa socio-economic issues.
Sa kasamtangan, gibutyag ni Maj.Gadut nga wala nay aktibong hulga sa communist terrorist groups sa ilang area, apan nagpadayon gihapon ang monitoring ug preventive measures aron malikayan ang posibleng pagbalik sa insurhensya.
