Gipamugos ni Batangas Representative Leandro Leviste nga kaya sa gobyerno nga ipaubos o isuspinde ang buhis sa produktong petrolyo, kon pakunhuran lamang ang iyang gitawag nga dili kinahanglang mga galastuhon.
Subay sa pahayag sa mambabalaud, lakip sa mga galastuhon nga mahimong putlon ang travel, seminars, ASEAN summit hostings, confidential funds, ug ang budget sa Presidential Communications Office. Sumala pa niya, dako kini nga bahin sa pondo nga mahimo untang ibalhin ang pondo aron mas mugaan ang palas-anon sa katawhan ilabina sa pagsaka sa presyo sa lana.
Sa pagkakaron, gipahinumdoman ni Rep. Leandro Leviste nga kaniadto gipadali ang pagpasa sa balaod alang sa suspensyon sa fuel excise tax, apan wala kini nadayon tungod kuno sa panginahanglan sa pondo alang sa ayuda. Dugang pa niini, iyang giingon nga mismong gobyerno ang una nga misugyot sa maong suspensyon.
Sa kasamtangan, giingon sa kongresista nga dili angay himuong rason ang kakulang sa pondo samtang aduna pay mga galastuhan nga mahimo pang mapakunhod o tangtangon aron matubag ang panginahanglan sa publiko.
