Hingpit nga nagpahimangno karon ang Philippine Embassy sa Japan sa mga Pilipino nga nagpuyo duol sa baybayon sa Japan nga mag-igmat human sa tsunami warning. Sumala pa sa embahada, ang maong alerto tungod sa kusog nga magnitude 7.5 nga linog nga mitay-og sa Tohoku region niadtong Lunes, Abril 20.
Lakip niini, gi-giya ang mga Pinoy nga unahon ang ilang kaluwasan ug likayan ang pagduhaduha sa dali nga paglikay, ilabi na sa mga lugar nga posibleng maapektuhan sa tsunami. Dugang pa niini, padayon ang koordinasyon sa embahada sa mga lider sa filipino community sa mga prepektura sa Hokkaido, Aomori, Iwate, ug Miyagi aron matutokan ang kahimtang sa mga kababayan didto.
Sa pagkakaron, base sa inisyal nga assessment sa embahada, walay natala nga pinoy nga nadisgrasya, apan padayon ang monitoring sa mga apektadong rehiyon. Sa kasamtangan, nagpagawas usab og pahimangno ang gobyerno sa Pilipinas nga magpabiling kalmado ang mga overseas filipino workers ug mosunod sa mga instruksyon sa local authorities ilabi na sa evacuation protocols ug posible nga aftershocks.
