Mihatag og katin-awan ang mga mayoryang myembro sa San Isidro Libertad San Remigio (SLS) Comprehensive Agrarian Reform Beneficiaries Multipurpose Cooperative kon (CARBMCO) ug Board Of Directors sa Island Garden City of Samal ang mga alegasyon nga pagpanglupig ug gihikawan matud pa sa ilahang katungod ang mga residente nga nagpailang ARBs sa nasampit nga mga baranggay.
Sumala ni SLS Cooperative Chairperson Presie Negro nga ang gipakatag nga mga compilation sa video sa social media sa usa ka nagpailang Liwayway, nahitabo sumala pa niadto pang taliwala sa 2024-2025 ug dili tinuod nga adunay nahitabong pagpugong ug pagbabag sa agi-anan sa mga residente.
Nasayran nga gipakural sa kooperatiba ang 200 kapin ka ektaryang yuta sa kinatibuk-an nga kapin 700 ka ektarya niadtong 2024 nga kini adunay permiso sa LGU sa IGACOs sa tumong ug katuyuan nga dili masudlan pa ang lugar sa mga illegal settlers ug illegal activities.
Gipaklaro usab ni Negro nga adunay gihatag nga dalan ang mga nagreklamo, ug walay rason nga moagi ang mga nahisgutan ilawom sa imburnal ug sa dagat subay sa gipakatag nga video.
Gikatingala usab niini kung unsa ang motibo sa mga mahisgutan. Dugang pa, walay kamatuoran usab nga adunay nahitabong pagsunog sa mga kabtangan sa mga residente nga misupak sa ilahang kooperatiba.
Gipunto usab niini nga giimbistigahan na ang gika-ingong pagsunog, sa mga ahensya sa gobyerno nga kaniadto pang 2024-25 nga subling gibanhaw lamang karong panahona human sa gipahigayon nga rally sa Tagum City sa walo ka mga myembro niadtong nakalabay nga semana.
Gibutyag sa board of directors nga ang mga nagreklamo nga mga gikaingong myembro wala nagatambong sa gipahigayon nga asembleya sa kooperatiba.
Nasayran nga adunay kapin sa 500 ka mga myembro ang nagkahiusa alang sa pagpugong sa mga outsider nga makasulod nga giisip nga mga illegal settlers nga nabaligyaan sa pamilyang Catubigan ug ubang myembro nga mialkontra na sa kooperatiba.
Samtang gipaklaro usab ni Baranggay Libertad, Kapitan Helen Perez, nga nagsilbi usab kini nga Atty.-in-fact kabahin sa post ni Congresswoman Leila Delima nga gikaingon nga pagpugong sumala pa sa access sa tubig sa mga nagreklamo nga mga residente nga dili kini tinuod ug gibutyag nga kampante kini bisan og ipailawom pa sa imbistigasyon.
Sumala pa sa SLS nga posibling nakadawat lamang og sayop nga impormasyon ang opisyal ug dungan sa pagbutyag nga nanawag unta kini sa LGU ayha mokomento sa maong isyu.
Apan luyo sa mga panagbangi, ipanghinaot gihapon ni Kapitan Perez nga mahatagan na og kasulbaran ang maong isyu sa pipila lamang ka mga myembro kontra sa mayorya sa kooperatiba aron mahatagan na og kalamboan ang ilahang lugar alang sa kaayuhan sa mga katawhan ilabi na sa hisgutang panginabuhi-an.
