Pipila ka mga panimalay ang totally damaged human sa nahitabong sunog klaganihang kaadlawon sa Upper Del Carmen, Barangay Sasa, ning dakbayan sa Davao.
Subay sa inisyal nga impormasyon sa mga otoridad, pasado alas 4 kwatro kaganihang kaadlawon nahitabo ang pag-ulbo sa kalayo nga paspas usab kining mikuyanap sa mga kasikbit nga mga panimalay.
Narespondehan usab kini sa mga kabomberohan.
Mokabat usab sa unom ka mga panimalay ang naugdaw nga karon padayon usab ang gihimong imbistigasyon sa kamboberohan aron masayran ang hinungdan sa nahitabong pag-ulbo sa kalayo ingon man ang kinatibuk-an nga pamilya nga apektado sa sunog.
Samtang ugdaw usab ang usa ka panimalay sa Purok 16, Barangay Sirib,Calinan ning syudad sa Davao sa nahitabong sunog kagabii.
Narespondehan usab ang maong panghitabo apan wala na matabang pa ang paspas nga pag-ulbo sa kalayo.
Giimbistigahan pa usab ang hinungdan sa sunog. Wala pa usab gikabutyag sa mga otoridad ang kinatibuk-an nga danyos sa kantidad sa mga panimalay.
Samtang kagahapong adlawa, pasado pasado alas Kwatro sa hapon, adunay nahitabong sunog sa Purok Sais, Magpapangi, Brgy. Pundaguitan Gov. Generoso Davao Oriental, diin usa ka tapahan sa kopras ug panimalay ang naugdaw.
Sumala pa nga wala nabantayi ang kusog nga pagsilaod sa tapahan nga maoy hinungdan sa pagsilaob sa kalayo nga nakadamay sa usa ka pinuy-anan nga anaa lamang kilid sa maong tapahan.
