Magkansela ang Vietnam Airlines og daghang flights paingon sa Pilipinas karong Mayo tungod sa taas nga presyo sa lana.
Gilauman nga makaapekto kini sa air connectivity o sa kapasidad sa mga airport ug airline nga magkonekta sa nagkadaiyang destinasyon sa usa sa paspas nga nagtubo nga Southeast Asian corridors.
Sa ilahang pahibalo, gi-anunsyo sa Vietnam Airlines ang suspensyon sa daghang flights gikan Manila ug Cebu padulong sa Vietnam, isip kabahin sa paningkamot sa kompanya nga mapadayon ang suplay sa lana samtang nisaka ang presyo.
Partikular nga kanselahon ang Cebu–Hanoi flights gikan Mayo 12 hangtod 15 ug usab sa Mayo 19 ug 20. Gisuspinde usab ang flights tali sa Manila ug Ho Chi Minh City sa Mayo 6–8, 12–14, 20–22 ug Mayo 26–27.
Dugang pa, tangtangon usab ang pipila ka flights tali sa Manila ug Hanoi sa Mayo 5, 12, 15, 22, 26 ug 29.
