Nangita pa og paagi ang grupo sa mga manufacturers sa nasud aron maminusan ang epekto sa pagsaka sa presyo sa lana.
Sumala sa Supply Chain Management Association of the Philippines (SCMAP) nga ang pagtaas sa presyo sa mga baligya mao pa ang labing ulahing lakang nga ilahang buhaton.
Matod ni SCMAP Marketing and Communications Director Henrik Batallones, dili pa nila gustong ipasa dayon sa mga konsumante ang pagtaas sa presyo kung mapugos man silang mosaka sa presyo sa ilahang mga produkto.
Lakip sa ilahang posibleng mga lakang mao ang pagkuha og mas daghang orders aron molungtad og dugay ang stocks ug malikayan ang kanunay nga pagbiyahe sa transportasyon sa mga produkto.
Sa kasamtangan, nakatakda usab silang pulungon sa Department of Trade and Industry (DTI) aron hisgutan ang posibleng pagtaas sa presyo sa mga nag-unang palaliton.
