Mokabat sa dul-an 4 milyon ang kantidad sa bloke sa marjuana ang nakumpiska sa mga otoridad atol sa gilusad nga drug buybust operation kaganihang buntag.
Subay sa report sa mga otoridad, gilusad ang operasyon pasado alas 9:00 sa buntag, Camella Homes, Barangay Communal, ning dakbayan sa Davao sa pagpanguna sa mga operatiba sa PDEA, NBI ug kapulisan nga ang mga target sa operasyon giila lamang nga sila alyas Athena ug Christian.
Nadakpan ang duha human sila magkunsabo sa pagbaligya og usa ka pakete nga self-sealing transparent plastic pouch nga adunay giingong marijuana nga nagkantidad og P5,000 ngadto sa usa ka undercover agent nga nagpakaaron-ingnon nga mamalitay ug iligal nga droga.
Nakumpiska usab atol sa operasyon ang onse ka mga vacuum-sealed nga mga bloke (bricks) sa pinaugang dahon sa marijuana nga adunay gibanabanaan nga kinatibuk-an nga gibug-aton anaa sa onse kilos, nga adunay street value nga P3,600,000.
Nakumpiska usab ang mga drug paraphernalia ingon man ang marked buy-bust money atol sa maong operasyon.
Sa karon, kasong pagsupak sa RA 9165 ang atubangon sa mga dinakpan’
