Sen. Villanueva gitagalan hangtod Enero 26 aron magsumite sa iyahang counter affidavit kabahin sa kasong Malversation

Nangayo si Senador Joel Villanueva og dugang panahon aron magsumite sa iyang counter-affidavit sa kaso sa malversation nga may kalabotan sa anomaloso nga flood control project sa Bulacan.

Sumala sa Department of Justice (DOJ) spokesperson Polo Martinez, nagduso ang senador og mosyon alang sa extension sa counter-affidavit, ug gitugotan siya nga magsumite hangtod Enero 26.

Gihimo ang preliminary investigation kagahapong adlawa, nga may kalabotan sa kompanya nga Topnotch Catalyst Builders.

Lakip sa mga respondents sa kaso mao si Villanueva, ug ang mga kanhi Department of Public Works and Highways (DPWH) engineers nga sila Henry Alcantara, Brice Hernandez, ug Jaypee Mendoza.