Gitawag lamang sa Malacañang nga usa ka “political maneuvering” ang isyu sa pagsang-at og impeachment batok kang Pangulong Ferdinand Marcos Jr.
Sumala kang Palace Press Officer Claire Castro, walay sulod o basihan ang mga pahayag sa pipila ka mga magbabalaod nga naggikan lamang kuno sa mga supporters sa usa ka politiko nga wala na hinganli.
Matod pa ni Castro, karon naka-focus ang pangulo sa pagpanguna ug sa paghatag og mga resulta alang sa katawhang Pilipino.
Kini ang reaksyon sa Palasyo sa pahayag ni House Senior Deputy Minority Leader ug Caloocan 2nd District Representative Edgar Erice nga mibutyag nga adunay pipila ka mga indibidwal nga miduol kaniya aron i-endorso ang mga impeachment complaint batok kang Marcos tungod sa giingong betrayal of public trust, nga adunay kalabotan sa mga insertions sa gigahin nga pondo.
