Mokabat sa kapin 9 milyon nga igituohang shabu ang nakumpiska human nasikop sa mga operatiba sa Davao City Police Office (DCPO) ang top city-level priority drug target sa Talomo District atol sa gipahigayon nga buybust operation sa Purok 10-A, Barangay Matina Pangi, pasado alas Siete kagahpon sa buntag.
Subay sa report sa kapulisan, giila ang dinakpan nga si alyas Janjan hamtong ang panuigon residente sa nasampit nga lugar. Nasikop ang nahisgutan sa operasyon nga gipangulohan sa Special Drug Enforcement Unit (SDEU) sa Talomo PNP.
Nakumpiska sa mga otoridad gikan sa suspetsado ang walo ka jumbo nga pakete sa iligal nga droga kon shabu.
Gibana-banaan nga anaa sa kantidad nga P9,010,000 ang standard drug price niini.
Narekober usab sikan sa nnahisgutang dinakpan ang celphon ug buybust money nga gigamit sa trasaksyon.
Kasong pasgupak sa RA 9165 ang gipasaka ngadto sa dinakapan nga padayon usab karon nga giimbistigahan aron matumbok ang tinubdan.
Samtang, nagpahigayon usab og ocular inspection si acting City Director Col. Mannan C. Muarip sa maong lugar diin sumala pa sa opisyal nga ang maong operasyon nagpakita sumala pa sa kanunay’ng paningkamot sa DCPO sa pagbungkag sa illegal drug networks ug sa pagpanalipod sa atong komunidad.
Mahitungod niini, gihangyo niini ang katawhan nga magpabiling mabinantayon ug mosuporta sa kampanya sa kapulisan tungod ang pakigbatok sa illegal nga droga nagkinahanglan og lig-on nga tabang sa komunidad.
