Giklaro ni Presidente Ferdinand Marcos Jr. nga “all is well” ang relasyon nila ni kanhi Executive Secretary Lucas Bersamin. Sa iyang pahayag, mibutyag ang Presidente nga dili na siya gusto mohatag og komento kabahin sa kanhing executive secretary tungod nagkaistorya na silang duha.
Gibutyag niini nga kung unsay ilang na-istoryahan ila na lamang kini.
Kahinumduman, nasuko si Bersamin sa pahayag sa Malakanyang nga boluntaryo siyang nag-resign tungod sa delikadeza.
Apan mibutyag si Bersamin nga wala siya nag-resign kundili siya ang giwagtang sa pwesto.
Kabahin sa kanhing DBM Secretary nga si Amenah Pangandaman, gibutyag sa Presidente nga nadawit lamang ang iyang pangalan sa kontrobersiya.
Sumala pa niya nga importante nga dili malakip si Pangandaman sa posisyon nga mahimong hinungdan sa pagduda o akusasyon nga adunay impluwensya sa bisan unsang imbestigasyon o proseso.
